Атырау МӨЗ жастарына арналған тимбилдинг өтті

Тимбилдинг жылы әрі достық атмосферада өтті. Зауыттықтар бағдарламаға белсенді араласып, барлық сайыстарға жоғары қызығушылықпен қатысты. 

Бой сергітер жаттығудан кейін қатысушылар спорттық-ойын-сауық жарыстарында бақ сынап,  жылдамдық, ептілік және топтық жұмыс дағдыларын көрсетті. Әсіресе командалық эстафеталар мен ұйымшылдыққа негізделген сайыстар қатысушыларға ерекше көңіл-күй сыйлады. 

Жарқын эмоцияларымен бөліскен қызметкерлер мұндай іс-шаралар күнделікті жұмыс қарбаласынан сергіп қана қоймай, әріптестерді жақынырақ тануға, өзара түсіністікті нығайтуға және өздерін үлкен ұжымның бір бөлігі ретінде сезінуге мүмкіндік беретінін айтты. Гала-түскі ас кезінде спортық сайыстардың жеңімпаздары мен зауыттың белсенді жастары марапатталды. 

Іс-шара интерактивті ойындармен және көңілді бимен аяқталды. 

Айта кетейік, мұндай тимбилдингтер өткізу Атырау МӨЗ-дің игі дәстүрі әрі корпоративтік мәдениеттің маңызды бөлігі саналады. 


«Атырау мұнай өңдеу зауыты» ЖШС баспасөз қызметі